Ադրբեջանի պատվերով ՀՀ-ում գործունեություն իրականացրած 20-ից ավելի մարդ է դատապարտվել.ԱԱԾ
Հայաստանում 1993 թվականից մինչև հիմա դատապարտվել է ադրբեջանական հատուկ ծառայությունների կողմից հավաքագրված ու նրանց պատվերով Հայաստանում աշխատանք իրականացրած երկու տասնյակից ավելի մարդ: ՙԱրմենպրես՚-ի հաղորդմամբ, այս մասին լրատվամիջոցների համար նախատեսված սեմինարի ընթացքում նշել է ԱԱԾ մայոր Տիգրան Դավիթավյանը:
ՙԱյդ մարդիկ աշխատել են Ադրբեջանի օգտին, ռազմական ու գիտատեխնիկական ոլորտներին վերաբերող տեղեկություններ են հավաքել, դիվերսիաներ ու մահափորձեր են ծրագրել՚,- ասել է Տիգրան Դավիթավյանը:
ԱԱԾ գիտաուսումնական կենտրոնի ղեկավար Արմեն Քինակցյանն էլ ավելացրեց, թե իրենք աշխատում են այն կանխավարկածով, որ հավաքագրվածներն ավելի շատ են, ու իրենք շարունակում են մշտապես փնտրել այդ մարդկանց:
ՙՀավաքագրվածների մի մասն էլ ժամանակին հայտնում է ադրբեջանական կողմի հետ ունեցած կապի, գործակցության մասին ու ազատվում է պատասխանատվությունից՚,-ասել է Արմեն Քինակցյանը: Մասնագետներն ավելացրեցին, որ նրանք աշխատում են հայկական կողմից հետ, դա ընդունված տարբերակ է:
