Ադրբեջանի կողմից ՀՀ սահմանի մի մասը կհսկեն սահմանապահները․ շարքերը կարող են խտանալ այլ տեղերում
Ադրբեջանի նախագահ Իլհամ Ալիևի հանձնարարությամբ հայ-ադրբեջանական սահմանի ադրբեջանական կողմի Ղազախի և Ասթաֆայի հատվածի պահպանությունը այսուհետ իրականացնելու է պետական սահմանապահ ծառայությունը։ Այդ շրջանները սահմանակից են Տավուշի մարզին։
Այս մասին տեղեկացնում է ադրբեջանագետ Աշոտ Մովսիսյանը։
«Ըստ երևույթին, սահմանապահ զորքերին է փոխանցվում պաշտպանության նախարարության 3-րդ կորպուսի մարտական զորամասերի մի մասը։ Չափազանց հետաքրքիր զարգացում է, եթե դիտարկենք նաև ԼՂ հակամարտության կարգավորման վերաբերյալ տարբեր հայտարարությունների ֆոնին»,– իր ֆեյսբուքյան էջում գրել է Մովսիսյանը։
Նրա խոսքով՝ սա նաև նշանակում է, որ Ադրբեջանի զինված ուժերի անձնակազմի մի մասը կարող է տեղակայվել այլ ուղղությամբ, ինչը հայկական կողմի համար ցանկալի չէ։
