Չարենցավանի թիվ 27/28 ընտրատարածքում քիչ առաջ միջադեպ գրանցվեց, գրում է Hetq.am-ը։ «Տարեց կինը ընտրասենյակ մտնելուց առաջ` մանկապարտեզի շենքի միջանցքում ծալած թերթի միջից թուղթ հանեց, կարդաց, թուղթը դրեց թերթի մեջ և մտավ ներս: Մոտենալով քվեախցին` նա նորից գրպանից հանեց թերթը, դրա միջից հանեց մի թուղթ, կարդաց և կատարեց ընտրությունը: Հրապարակում ենք տեսանյութը»,- գրում է լրատվամիջոցը: Ընտրասենյակից դուրս գալուց հետո տատիկից փորձել են ճշտել, թե ինչ թուղթ էր պահել թերթի մեջ` գրպանում: Նա սկզբում ասել է, որ իր մոտ որևէ թուղթ չկա, ապա զայրացած գրպանից հանել թուղթը ու ասել, որ «շտաբից են տվել»: Որ շտաբից, ով է տվել, տատիկը հրաժարվեց պատասխանել` վրդովվելով ու զայրանալով հարցերից: Թղթի վրա կարմիր գրիչով նշան էր դրված ՀՀԿ թեկնածու Մնացական Մարատի Պողոսյանի անվան առջև: Այժմ ընտրատեղամաս են ժամանել ոստիկաններ: Տեսանյութը՝ Մարինե Մադաթյանի յութուբյան էջի։