Մենուա Հարությունյանի «ձիու» լուսանկարից հետո փոխնախարարը հրաժարվեց բանավեճից
«Իմ քայլը» դաշինքի պատգամավորի թեկնածու, արտաքին գործերի փոխնախարար Ռուբեն Ռուբինյանը հրաժարվել է բանավիճել ՀՀԿ թեկնածու Մենուա Հարությունյանի հետ:\r\nՖեյսբուքյան իր էջում Ռուբեն Ռուբինյանը գրել է, որ պատճառը Մենուա Հարությունյանի վերջին նկարն է, որտեղ նա սպիտակ ձիու վրա նստած է:\r\n«Մի քանի օր առաջ համաձայնել էի «Շանթի» եթերում երեկոյան բանավիճել ՀՀԿ-ի 9-րդ համար Մենուա Հարությունյանի հետ, բայց երեկվա «ձիու պատմությունից» հետո զգացի, որ ուղղակի չեմ կարող իմ ներկայությամբ լրջացնել անլրջությունը, և ինձ համար անհարիր կլինի մասնակցել նման բանավեճի: Կանխագուշակելով հնարավոր շահարկումները` ասեմ, որ պատրաստ եմ փոխարենը բանավիճել ՀՀԿ 10-յակից ցանկացածի հետ»,- գրել է փոխնախարարը:\r\n\r\nՆշենք,որ երեկ ՀՀԿ ցուցակի 9-րդ համար Մենուա Հարությունյանը ֆեյսբուքյան իր էջում ձիով լուսանկար էր հրապարակել Կապանից՝ գրառելով, որ ինքը շարունակելու է Դավիթ Բեկի կիսատ գործերը:
