Հնարավոր է, որ ՀՀ-ում կրկին ամառային ու ձմեռային ժամանակ լինի: Երեկ ԱԺ փոխնախագ Ալեն Սիմոնյանն իր ֆեյսբուքյան էջում գրառում էր կատարել, որտեղ գրված է, որ փոփոխություններ են նախատեսվել ՀՀ տարածքում ժամանակի հաշվարկման կարգի մասին օրենքում, որը հնարավորություն կտա մեր համաքաղաքացիներին հոսանքի վճարների մինչև 10%-ի խնայողություններ անել: AuroraNews-ը կապ հաստատեց Ալեն Սիմոնյանի հետ, փորձելով հստակեցնել արդյոք սա նշանակում է, որ Հայաստանը վերադառնալու է ամառային եւ ձմեռային ժամանակի: ԱԺ պատգամավորը պատասխանեց՝ այո։ Թե ե՞րբ կլինի այս փոփոխությունը, հստակ ժամկետ հայտնի չէ: Հիշեցնենք՝ արդեն 6 տարի՝ 2012թ-ից հետո Հայաստանում ժամային փոփոխություն չի արվել և գտնվել ենք մեկ ժամային գոտում։