Կիմանաք 48 ժամվա ընթացքում. Թրամփը՝ հրատապ հայտարարությամբ

ԱՄՆ-ի և Իրանի միջև բանակցությունների արդյունքը կարող է հայտնի դառնալ արդեն առաջիկա 48 ժամվա ընթացքում: Այս մասին հայտարարել է ԱՄՆ նախագահ Դոնալդ Թրամփը՝ պատասխանելով լրագրողների խնդրանքին՝ մեկնաբանել տեղեկություններն այն մասին, թե Հորմուզի նեղուցը կարող է բացվել արդեն օգոստոսի 5-ին Վաշինգտոնի և Թեհրանի միջև համաձայնության հասնելու դեպքում, հաղորդում է «ՏԱՍՍ»-ը։

«Մենք շատ լավ առաջ ենք գնում Իրանի հետ բանակցային գործընթացում: Մենք արդյունքների մասին կիմանանք 48 ժամվա ընթացքում: Հորմուզի նեղուցի բացումը կարող է տեղի ունենալ վաղը կամ վաղը չէ մյուս օրը: Զգալի առաջընթաց է գրանցվել»,- ասել է Թրամփը Լոս Անջելեսից մեկնելուց առաջ լրագրողների հետ շփման ժամանակ:

Ավելի վաղ Axios պորտալը, հղում անելով աղբյուրներին, հայտնել էր, որ ԱՄՆ-ն պատրաստվում է օգոստոսի 5-ին հայտարարել Իրանի և Օմանի հետ Հորմուզի նեղուցի բացման հարցով ժամանակավոր համաձայնությունների մասին: