Անտառային հրդեհներ Հունաստանում. կան զոհեր

Հունաստանում բռնկված անտառային հրդեհների հետևանքով ոչնչացվել է ավելի քան 12,000 հեկտար հողատարածք, ինչպես նաև զոհվել է երեք հրշեջ։

Աթենքից 70 կիլոմետր հեռավորության վրա գտնվող Պորտո Գերմենո հանգստավայրի ծայրամասում՝ Կորնթոսի ծոցի շրջանում, կրակը կլանել է ավելի քան 6,500 հեկտար տարածք։ Եվս 6,000 հեկտար հողատարածք մոխրացել է Փարոս և Կրետե կղզիներում բռնկված հրդեհների պատճառով, իսկ Կեֆալոնիա կղզում արձանագրվել է հրդեհի նոր օջախ։

Աղետի գոտում աշխատանքները բարդանում են քամու ուժգնացման հետևանքով։ Ուժեղ տուրբուլենտայնությունը խոչընդոտում է ավիացիային ջուր վերցնելու և այն հրդեհման վայրերի վրա բաց թողնելու ընթացքում, իսկ փրկարարական ծառայություններն աշխատում են ծայրահանդեպ ծանրաբեռնվածությամբ։ Վերջին օրերին կրակի դեմ պայքարում կյանքից զրկվել է երեք հրշեջ, որոնցից երկուսը՝ Կրետեում, իսկ մեկը՝ Պելոպոնեսում։