ԵՄ երկրների մեծ մասը գնում է ոչնչացման. Մասկ

Ամերիկացի միլիարդատեր ձեռներեց Իլոն Մասկը հայտարարել է, որ աշխարհի խոշորագույն տնտեսությունները գտնվում են ոչնչացման ճանապարհին՝ ցածր ծնելիության պատճառով։

«ԵՄ 27 երկրներից 21-ում մահացության մակարդակը գերազանցում է ծնելիության մակարդակը: Նրանք երկար ժամանակով գնում են դեպի ոչնչացում», - գրել է Մասկը իր սոցցանցերի էջում ։

Մասկը մեկնաբանում էր Financial Times-ի կողմից աշխարհի խոշորագույն տնտեսությունների, մասնավորապես՝ Ֆրանսիայի, Գերմանիայի, Իտալիայի, Ճապոնիայի, Հարավային Կորեայի և Միացյալ Նահանգների ծնելիության մակարդակի վերաբերյալ ՄԱԿ-ի վիճակագրությունը, որը ցույց է տալիս ծնելիության մակարդակի անկում 1950-ական թվականներից ի վեր։