ԵԱՏՄ-ի և ռուսական շուկայի խնդիրները ճգնաժամ չեն, այլ հնարավորություն. վարչապետ

Հուլիսի 30-ին կայացած Հայաստանի կառավարության նիստում վարչապետ Նիկոլ Փաշինյանը հայտարարել է, որ ԵԱՏՄ-ի և ռուսաստանյան շուկայի հետ կապված ներկայիս իրադրությունը շատերի կողմից որպես ճգնաժամ է ընկալվում, մինչդեռ ինքն այն դիտարկում է իբրև հնարավորություն։ Վարչապետը  շեշտել է նորմատիվային գյուղատնտեսական հողատարածքներում բարձր արժեք ունեցող մշակաբույսերի աճեցման անհրաժեշտությունը։ 

Նա նաև ընդգծել է, որ իշխանությունները պարբերաբար ազդակներ են փոխանցում տնտեսավարողներին՝ տնտեսական կապերի դիվերսիֆիկացման անհրաժեշտության վերաբերյալ։ 

Փաշինյանի խոսքով՝ դիվերսիֆիկացիայի բացակայության հիմնական պատճառն այն է, որ «գնալ դիվերսիֆիկացիայի ճանապարհով նշանակում է գնալ արդյունավետությունը, արտադրողականությունը, ստանդարտները բարձրացնելու ճանապարհը»։