ԱԺ-ի լրագրողական սահմանափակումները նոր չեն․ Ռուբինյանը հիշեցրել է 2021 թվականից գործող կանոնները

«Ի գիտություն լրագրողների. 

ԱԺ֊ում լրագրողների մասնագիտական գործունեության «նոր և աննախադեպ խստացումներն ու սահմանափակումները» գործում են 2021 թվականից։

ԱԺ շենքում անվտանգության կանոնների վերաբերյալ որոշման մեջ արված նոր փոփոխությունների շարքում չեն եղել փոփոխություններ, որոնք վերաբերում են լրագրողական գործունեությանը, առավել ևս դրա սահմանափակմանը։

Սիրելի լրագորղներ, դուք սա կարող էիք պարզել ինքներդ՝ ձեր թանկագին ժամանակից ընդամենը 5 րոպե նվիրելով նախորդ կանոնները փոփոխված կանոնների հետ համեմատելուն»,-գրել է ԱԺ 9-րգ գումարման նախագահի թեկնածու Ռուբեն Ռուբինյանը : 



Հիշեցնենք` ավելի վաղ «Ժողովուրդ» օրաթերթը գրել էր, որ Ազգային ժողովում նախատեսվում են լրագրողների աշխատանքի նոր սահմանափակումներ։ 

Պարբերականի հրապարակման համաձայն՝ նոր կանոններով, մասնավորապես, լրագրողներին կարգելվի ԱԺ օթյակից նկարահանել նիստերի դահլիճը, ինչպես նաև կսահմանվեն այլ սահմանափակումներ նրանց մասնագիտական գործունեության համար։