American Airlines-ի ավելի քան 1000 չվերթ է հետաձգվել. մանրամասներ

Ամերիկյան American Airlines ավիաընկերությունը վերականգնել է ինքնաթիռների չվերթները, որոնք ընդհատվել էին ՏՏ համակարգի խափանման պատճառով սահմանված արգելքի հետևանքով։

ԱՄՆ-ի խոշորագույն ավիափոխադրողներից մեկը՝ American Airlines-ը, հուլիսի 28-ի երեկոյան՝ ամերիկյան արևելյան ժամանակով, հանդես է եկել ծանուցմամբ՝ թռիչքների վերսկսման մասին։ Reuters-ի փոխանցմամբ՝ մեկնման արգելքը տևել է մոտ մեկ ժամ։

Չվերթների կասեցման որոշումը կայացրել էր ԱՄՆ Քաղաքացիական ավիացիայի ֆեդերալ վարչությունը։ Ընկերության մամուլի ծառայությունը տեղեկացրել է, որ համակարգերի աշխատանքը վերականգնվում է, թռիչքները՝ վերսկսվում, և ներողություն է խնդրել հաճախորդներից պատճառված անհանգստության համար։

FlightAware ծառայությունը հայտնում է, որ «Ամերիքան Էյրլայնս»-ի մոտ հետաձգվել է ավելի քան 1100 չվերթ, ինչը կազմում է օրական ծավալի 30%-ը, իսկ 221 չվերթ (6%-ը) չեղարկվել է։ Ըստ «Ֆլայթրադար24»-ի տվյալների՝ արևելյան ժամանակով 19:00-ի դրությամբ (մոսկովյան ժամանակով 02:00-ին) օդում է գտնվել ընկերության 130 ինքնաթիռով ավելի քիչ, քան նախորդ շաբաթվա նույն ժամանակահատվածում։