Լեհաստանն առաջարկել է Ուկրաինայի հետ համատեղ արտադրել «Patriot» հրթիռներ

Լեհաստանը առաջարկել է Ուկրաինայի հետ համատեղ ստեղծել «Patriot» հակաօդային պաշտպանության համակարգերի հրթիռների արտադրություն՝ ԱՄՆ-ի մասնակցությամբ։

Լեհաստանի պաշտպանության փոխնախարար Մագդալենա Սոբկովյակ-Չարնեցկան հայտարարել է, որ Վարշավան առաջարկում է եռակողմ համագործակցություն՝ ԱՄՆ-ի, Ուկրաինայի և Լեհաստանի միջև։

«Մենք առաջարկել ենք, որ դա լինի եռակողմ համագործակցություն՝ ԱՄՆ-ի, Ուկրաինայի և նաև Լեհաստանի մասնակցությամբ, քանի որ խոսքը վերաբերում է այդ արտադրության պաշտպանությանը, որպեսզի այն իրականացվի անվտանգ վայրում»,- ասել է նա։

Ավելի վաղ ԱՄՆ նախագահ Դոնալդ Թրամփը հայտարարել էր, որ Վաշինգտոնը կարող է Կիևին տրամադրել «Patriot» համակարգերի համար հրթիռների արտադրության լիցենզիա։

Միևնույն ժամանակ, Bloomberg-ի տվյալներով՝ նման արտադրության մեկնարկը կարող է երկար ժամանակ պահանջել և չի ապահովի զինանոցների արագ համալրում։