Ֆրանսիայում անտառային հրդեհների հետևանքով արդեն ավելի քան 42 հազար հեկտար տարածք է այրվել

Ֆրանսիայում հուլիսի կեսի դրությամբ անտառային հրդեհների հետևանքով այրվել է ավելի քան 42 հազար հեկտար տարածք, ինչը վերջին 20 տարվա ամենաբարձր ցուցանիշն է։ Այս մասին հայտնում է Figaro-ն՝ հղում անելով Եվրամիության EFFIS արբանյակային համակարգի տվյալներին։

Նախորդ ռեկորդը գրանցվել էր 2022 թվականին։ 2026 թվականի հրդեհներից տուժած տարածքն արդեն զգալիորեն գերազանցում է ամբողջ 2025 թվականի ցուցանիշը։

Ամենախոշոր հրդեհներից մեկը բռնկվել է Ֆրանսիայի հարավարևմուտքում՝ Ժիրոնդ դեպարտամենտում, որտեղ տարհանվել է շուրջ 20 հազար մարդ։ Հրդեհի տարածքը մոտենում է 5 հազար հեկտարի։ Նախնական տվյալներով՝ հրդեհի պատճառը եղել է սոճու անտառներում աշխատող թփահատ մեքենան։

Մեկ այլ խոշոր հրդեհ Լանդ դեպարտամենտում հասել է Բիսկարոս քաղաքի ծայրամասերին, ինչի հետևանքով տարհանվել է մոտ 9 հազար բնակիչ։

EFFIS համակարգը, որն օգտագործում է արբանյակային պատկերներ այրված տարածքները գրանցելու համար, հաշվառում է միայն 30 հեկտար և ավելի մակերեսով հրդեհները։