«Մուլտի Սթոուն»-ի աշխատակիցների բողոքի ակցիան. պատրաստվում են գնալ Քննչական կոմիտե

Գագիկ Ծառուկյանին պատկանող «Մուլտի Սթոուն» ընկերության աշխատակիցները հայտարարում են, որ ութ օր է՝ ընկերությունը կապարակնքված է, և իրենք որևէ պաշտոնական տեղեկություն չեն ստացել, թե երբ կվերսկսվի աշխատանքը։

«Գոնե մեզ հույս տան, ասեն՝ մեկ օրից, տասը օրից կամ երբ կբացվի։ Եթե չի բացվելու, գոնե իմանանք, որ ամեն մեկն իր գլխի ճարը տեսնի»,- նշել է աշխատակիցներից մեկը։

Աշխատակիցները պատմում են, որ մինչ այժմ որևէ պաշտոնական պատասխան չեն ստացել իրավապահ մարմիններից։ Նրանց խոսքով՝ պատրաստվում են միասին գնալ Աբովյանի Քննչական կոմիտե՝ պարզաբանում պահանջելու։

«Եթե պատասխան չստանանք, հնարավոր է՝ իջնենք և փակենք Երևան–Սևան ավտոմայրուղին»,- հայտարարել են նրանք։

Աշխատակիցները պահանջում են բացել Գագիկ Ծառուկյանին պատկանող կապարակնքված ընկերությունները։