15:00 Լուրերը մեկ տողով. Իրանական հրթիռներ Հորդանանում, սպառնալիքներ արևմտյան երկրների առաջնորդներին

Անցած ժամվա լուրերը՝ հակիրճ և բովանդակային.

·  Սաուդյան Արաբիան խստորեն դատապարտել է հարևան պետությունների և Հորմուզի նեղուցում առևտրային նավերի վրա Իրանի իրականացրած հարձակումները: Թագավորությունը Թեհրանի այս գործողությունները որակել է որպես միջազգային իրավունքի խախտում և սպառնալիք տարածաշրջանային անվտանգությանը:

·  Հորդանանի զինվորականները հաստատել են երկրի տարածքում իրանական երեք հրթիռների ընկնելու փաստը: Միջադեպի հետևանքով, ըստ պաշտոնական տվյալների, տուժածներ և զոհեր չկան:

·  Իրանական կառավարամետ մամուլը հրապարակել է արևմտյան և իսրայելցի առաջատար քաղաքական գործիչների նշանառությամբ պատկերազարդում: Հոդվածում հնչել են նրանց ֆիզիկական ոչնչացման ուղղակի սպառնալիքներ:

·  Օմանը տարածաշրջանային լարվածությունը թուլացնելու նպատակով առաջարկել է Հորմուզի նեղուցում նավագնացության երկու առանձին երթուղի ստեղծել: Միացյալ Նահանգներն իր հերթին Իրանից պահանջում է նավագնացության անվտանգության հրապարակային երաշխիքներ:

·  Իրանի շուրջ ստեղծված ճգնաժամի պատճառով ԱՄՆ-ում նկատելիորեն աճել է գյուղատնտեսական արտադրողների ծախսերը վառելիքի և պարարտանյութերի թանկացման հետևանքով: Սա հանգեցրել է ամերիկյան ֆերմերային տնտեսությունների սնանկացման դեպքերի կտրուկ ավելացմանը:

·  UFC-ի հայ մարտիկ Արման Ծառուկյանը Թբիլիսիում կայացած պրոֆեսիոնալ ըմբշամարտի լիգայի մրցաշարում վաղաժամ հաղթանակ է տարել ղազախ մրցակցի նկատմամբ: Պարտված կողմն արդեն հայտարարել է Հայաստանում ռևանշ մենամարտ անցկացնելու ցանկության մասին: