Իրանում Ալի Խամենեիի հրաժեշտի արարողություններին մասնակցել է ավելի քան 40 միլիոն մարդ

Իրանում և Իրաքում անցկացված Իրանի զոհված գերագույն առաջնորդ Ալի Խամենեիի հրաժեշտի արարողություններին մասնակցել են տասնյակ միլիոնավոր մարդիկ, ինչը ռեկորդային ցուցանիշ է։ Այս մասին հայտնում է Press TV հեռուստաալիքը։

Հեռուստաալիքի տվյալներով՝ սգո միջոցառումներին մասնակցել է շուրջ 43 միլիոն մարդ, ինչի շնորհիվ դրանք դարձել են «աշխարհում երբևէ տեղի ունեցած ամենամասշտաբային երթը»։

Հիշեցնենք, որ Ալի Խամենեին զոհվել էր փետրվարի 28-ին՝ ԱՄՆ-ի և Իսրայելի հասցրած հարվածների հետևանքով։

Հրաժեշտի արարողությունները մեկնարկել էին հուլիսի 3-ին Թեհրանում, որտեղ մասնակցել էին առնվազն 100 երկրներից ժամանած բարձրաստիճան պատվիրակություններ։

Հուլիսի 4-5-ը այաթոլլայի մարմինը դրված էր Թեհրանի «Մոսալլա» կրոնահասարակական համալիրում։ Հուլիսի 6-ին մայրաքաղաքում անցկացվել էր սգո երթ, որից հետո մարմինը տեղափոխվել էր Իրանի գլխավոր կրոնական կենտրոն՝ Քոմ քաղաք, որտեղ հուլիսի 7-ին շարունակվել էին հրաժեշտի արարողությունները։

Նույն օրը երեկոյան Ալի Խամենեիի մարմինը տեղափոխվել էր Իրաք, որտեղ Նաջաֆում և Քերբելայում տեղի էին ունեցել առանձին սգո միջոցառումներ տեղի շիա մահմեդականների համար։

Գերագույն առաջնորդի հուղարկավորությունը կայացել է հուլիսի 9-ին՝ նրա հայրենի Մաշհադ քաղաքում։