ՏԵՍԱՆՅՈՒԹ. Մամուլից եմ տեղեկացել. Նարեկ Կարապետյանը` իր նկատմամբ սկսված քրեական վարույթի մասին

«Ուժեղ Հայաստան» կուսակցության անդամ Նարեկ Կարապետյանը լրագրողների հետ զրույցում, անդրադառնալով իր նկատմամբ սկսված քրեական վարույթին, ասել է, որ դրա մասին տեղեկացել է մամուլից։

«Տեղյակ չեմ ինչ գործի մասին է խոսքը, մամուլից եմ տեղեկացել։ Ընդհանրապես չգիտեմ ինչ է։ Որևէ կառույցից որևէ հրավեր չեմ ստացել, բոլոր երկրները հարցումներում պատասխանել են, որ իրենց երկրի քաղաքացի չեմ»,– ասել է Կարապետյանը։

Անդրադառնալով ծառայությունից խուսափելու վերաբերյալ քրեական վարույթին՝ «Ուժեղ Հայաստան» կուսակցության խորհրդի անդամը նշել է, որ այդ հարցով այժմ որևէ խոսք չկա։ Նրա խոսքով՝ մի քանի ամիս առաջ իրավապահները մի քանի անգամ իրեն կանչել են, և դրանով ամեն ինչ ավարտվել է։