Իսրայելը կարող է փորձել խափանել ԱՄՆ-ի և Իրանի միջև բանակցությունները. Ֆիդան
Թուրքիայի արտգործնախարար Հաքան Ֆիդանը հայտարարել է, որ Իսրայելը կարող է փորձել խափանել ԱՄՆ-ի և Իրանի միջև ընթացող բանակցային գործընթացը, եթե դրա հնարավորությունն ունենա։ Այս մասին հայտնում է ՏԱՍՍ-ը։
«Մենք կարևորում ենք Իրանի և ԱՄՆ-ի միջև բանակցությունները։ Սակայն չպետք է մոռանալ, որ Իսրայելը կարող է սաբոտաժի ենթարկել այդ գործընթացը, երբ դրա հնարավորությունը ստեղծվի։ Բոլոր կողմերը պետք է զգոն լինեն այս հարցում»,- ասել է Ֆիդանը Haber Global հեռուստաալիքի եթերում։
ԱՄՆ-ն և Իրանը ավելի վաղ ստորագրել էին փոխըմբռնման հուշագիր, որը նախատեսում է ռազմական գործողությունների դադարեցում։ Դրանից հետո Շվեյցարիայի Բյուրգենշտոկ առողջարանում, Կատարի և Պակիստանի միջնորդությամբ, անցկացվել են բանակցություններ՝ հուշագրի իրագործման շուրջ։
Առաջին փուլից հետո Կատարն ու Պակիստանը համատեղ հայտարարությամբ նշել էին, որ հանդիպումն անցել է դրական և կառուցողական մթնոլորտում, արձանագրվել է առաջընթաց, ինչպես նաև հիմքեր են ստեղծվել հետագա տեխնիկական խորհրդակցությունների անցկացման համար։
Նմանատիպ հոդվածներ
Ավելին Քաղաքականություն բաժնից
ՏԵՍԱՆՅՈՒԹ. «Թող Փաշինյանը գա ու տեսնի Armat Media-ի կապարակնքված դռները
Լիբանանում խաղաղությունը հնարավոր չէ առանց Իրանի մասնակցության. Ղալիբաֆ
ԲՀԿ-ի շուրջ տեղի ունեցողը քաղաքական ռեպրեսիա է, դրա լուծումը իշխանափոխությունն է. Նաիրի Սարգսյան
