«Դուք ձեզ եք քցել ծուղակը»․ Ռուբինյանի արձագանքը «Ուժեղ Հայաստան»-ի հայտարարություններին

ԱԺ նախագահի թեկնածու Ռուբեն Ռուբինյանը իր ֆեյսբուքյան էջով տեսաուղերձ է հրապարակել՝ արձագանքելով «Ուժեղ Հայաստան» կուսակցության ներկայացուցիչների հայտարարություններին։

Նա նշել է, որ վերջին երկու օրերին նրանք «արդարացումներ են փնտրում» և փորձում են բացատրել ընտրությունների արդյունքները։

Ռուբինյանի խոսքով՝ հանրության մեծ մասը քվեարկել է «Քաղաքացիական պայմանագիր» կուսակցության օգտին, իսկ ընդդիմությանը տրվել է մանդատ՝ հանդես գալու որպես ընդդիմություն և բարձրաձայնելու քաղաքացիների մյուս մասի խնդիրները։

«Սուտ արդարացումներ մի բերեք։ Պարզապես ասեք՝ ժողովրդի մեծ մասը տվել է քվե «Քաղաքացիական պայմանագիր» կուսակցությանը, իսկ մյուս մասը ձեզ տվել է, որ լինեք ընդդիմություն և բարձրաձայնեք իրենց հարցերը։ Սա է ճշմարտությունը»,– նշել է նա։

Ռուբինյանը նաև կոշտ է արձագանքել՝ հավելելով․ «Դուք ձեզ  քցել եք ծուղակը»։