ՏԵՍԱՆՅՈՒԹ. Ամիրյա՞ն, թե՞ Պապ թագավոր. երևանցիները՝ փողոցի վերանվանման մասին. հարցում

Երևանի ավագանին հունիսի 23-ի նիստում որոշեց Ամիրյան փողոցը վերանվանել Պապ թագավորի փողոց։ Հատկանշական է, որ հարցն ավագանու նիստում անգամ չզեկուցվեց։

Հարկ է նշել, որ սա փողոցի անունը փոխելու առաջին փորձը չէ։ Ավելի վաղ ևս նախաձեռնություն էր եղել փոխելու անվանումը՝ այն կոչելով Վռամշապուհ արքայի անունով։ Սակայն կարճ ժամանակ անց փողոցին կրկին վերադարձվեց «Ամիրյան» անվանումը, քանի որ նոր անունը այդպես էլ չարմատավորվեց, և երևանցիները շարունակում էին օգտագործել հին տարբերակը։

Իսկ հիմա ինչպե՞ս են այս փոփոխությանը վերաբերվում քաղաքացիները։ Մենք շրջել ենք Մայրաքաղաքի փողոցներում և հետաքրքրվել՝ ո՞ր անվանումն է առավել ընդունելի նրանց համար՝ Ամիրյա՞ն, թե՞ Պապ թագավոր։