ՏԵՍԱՆՅՈՒԹ․ Ռուսաստանը զանգվածային հարձակում է սկսել․ խոշոր օբյեկտ է ոչնչացվել

Խարկովի մարզի Զոլոչև բնակավայրի շրջանում ոչնչացվել է էներգետիկ խոշոր օբյեկտ, որն, ըստ ռուսական կողմի պնդման, ծառայում էր Ուկրաինայի զինված ուժերի կարիքների համար։ Այս մասին պաշտոնական հայտարարությամբ հանդես է եկել Ռուսաստանի Դաշնության պաշտպանական գերատեսչությունը։

Ռազմական նախարարության հաղորդմամբ՝ թիրախին հարվածելու համար կիրառվել են «Գերան» տեսակի անօդաչու թռչող սարքեր։ Գերատեսչությունը նաև հրապարակել է տեսանյութ, որում պատկերված է նշված օբյեկտին հասցված հարվածի և դրա խոցման գործընթացը։

Սա վերջին շրջանում Խարկովի մարզի ռազմավարական ենթակառուցվածքներին հասցված միակ հարվածը չէ։ Ավելի վաղ ՌԴ պաշտպանության նախարարությունը տեղեկացրել էր նաև տեղի պաշտպանական արդյունաբերության ձեռնարկություններից մեկի թիրախավորման մասին, որտեղ, ըստ նրանց տվյալների, ուկրաինական բանակի համար անօդաչու սարքեր էին արտադրվում։