10:00 Լուրերը մեկ տողով. ԵՄ պատմության մեջ ամենախիստ միգրացիոն օրենսդրությունը. Ռեկորդային շոգ՝ ՀՀ-ում

Անցած ժամվա լուրերը՝ հակիրճ և բովանդակային.

•Հունիսի 20-ին տաք օդային զանգվածների ներթափանցմամբ պայմանավորված՝ Երևանում և Արարատյան դաշտում սպասվում է 2026 թվականի ամենաբարձր ջերմաստիճանը (+35․․․+37°C):

•Իշխանական թիմում ծածուկ պայքար է սկսվել ՀՀ նախագահի պաշտոնի համար՝ Վահագն Խաչատուրյանի առողջական խնդիրների պատճառով հնարավոր վաղաժամկետ հեռացման ֆոնին:

•Իրավապաշտպան Արամ Վարդևանյանը հայտարարել է, որ պատգամավորական մանդատ ստանալու դեպքում կհրաժարվի դրանից՝ նախընտրելով հարգել թիմի միասնական դիրքորոշումը:

•ՌԴ Պետդումայի ներկայացուցիչ Կոնստանտին Զատուլինը հայտարարել է, որ Մոսկվան չի կարող ժողովրդավարական համարել ՀՀ վերջին ընտրությունները, սակայն կշարունակի աշխատել Երևանի հետ:

•ԱՄՆ-ում ՀՀ դեսպան Նարեկ Մկրտչյանը և ԱՄՆ հատուկ բանագնացը քննարկել են հայ-ամերիկյան ռազմավարական գործընկերությունն ու ծայրահեղականության դեմ պայքարը:

•Դոնալդ Թրամփը, շրջանցելով նախնական ծրագիրը, Իրանի հետ հուշագիրը ստորագրել է նախատեսվածից մեկ օր շուտ՝ Վերսալի պալատում ընթրիքի ժամանակ:

•Շվեյցարիայում ԱՄՆ-ի և Իրանի միջև այսօրվա բանակցությունները չեղարկվել են՝ ԱՄՆ փոխնախագահ Ջեյ Դի Վենսի հանդիպումից հրաժարվելու պատճառով:

•Եվրախորհրդարանը հաստատել է ԵՄ պատմության մեջ ամենախիստ միգրացիոն օրենսդրությունը, որը նախատեսում է արտաքսման որոշումների պարտադիր կատարում և կալանքի ժամկետների երկարաձգում: