Ես հայտարարում եմ ընդդիմադիր ուժերի համախմբման մասին. Կարապետյան

Ես հայտարարում եմ ընդդիմադիր ուժերի համախմբման մասին: Նման հայտարարություն է արել «Ուժեղ Հայաստան» դաշինքի ղեկավար Սամվել Կարապետյանը:

Կարապետյանը հայտնել է ընդդիմադիր ուժերի համակարգող խորհուրդ ստեղծելու մտադրության մասին։ Նրա խոսքով՝ ընդդիմությունը սխալ է թույլ տվել՝ նախընտրական շրջանում չմիավորվելով։ 

«Մենք այդ սխալը թույլ տվեցինք, շատ ընդդիմադիր ուժեր գերագնահատեցին իրենց, շատերի հետ չկարողացանք պայմանավորվել, հիմա մեր երկրի ու ուժերի համար կարևոր է համախմբումը: 

Այն ընդդիմադիր ուժերը, ում համար թանկ է մեր երկիրը, պետք է համախմբվեն, ու ստեղծենք ընդդիմադիր կոալիցիա, բացահայտենք բոլոր պրոբլեմները ժողովրդին»,– ասել է նա: