Թբիլիսիի մոտ մեկնարկել են համատեղ զորավարժությունները

Ադրբեջանի, Թուրքիայի և Վրաստանի հատուկ նշանակության ստորաբաժանումների մասնակցությամբ Թբիլիսիի մոտակայքում գտնվող ռազմաբազայում տեղի է ունեցել «Կովկասյան արծիվ 2026» մարտավարական և հատուկ համատեղ զորավարժությունների բացման պաշտոնական արարողությունը։

Ինչպես հայտնում է Ադրբեջանի պաշտպանության նախարարությունը, միջոցառմանը ներկա են գտնվել Վրաստանում Ադրբեջանի Հանրապետության արտակարգ և լիազոր դեսպան Ֆաիգ Գուլիևը, ռազմական կցորդի գրասենյակի պաշտոնյաները, ինչպես նաև ներգրավված մյուս պետությունների բարձրաստիճան հյուրերը։ 

Բացման հանդիսավոր արարողության ընթացքում ելույթ ունեցած անձինք ողջունել են ներկաներին՝ շեշտելով, որ նմանատիպ վարժանքները նշանակալի դերակատարում ունեն փորձի փոխանակման և համատեղ գործողությունների պլանավորման հարցում։ Բացի այդ, արձանագրվել է, որ երեք գործընկեր պետությունների միջև տարածաշրջանային անվտանգության ու պաշտպանության ոլորտում փոխգործակցության սերտացմանը միտված այս զորավարժություններն առանձնահատուկ կարևորություն ունեն ստորաբաժանումների մարտական պատրաստության հնարավորությունների զարգացման տեսանկյունից։