ԱՄՆ-ի Վաշինգտոն նահանգում ռազմական ինքնաթիռ է կործանվել

ԱՄՆ-ի հյուսիս-արևմուտքում գտնվող Վաշինգտոն նահանգի Յակիմա շրջանում ռազմական ինքնաթիռ է կործանվել, ինչի մասին հայտնում է Fox News-ի տեղական բաժանմունքը։ 

Ըստ հաղորդման՝ օդաչուն հասցրել է կատապուլտացվել, որից հետո նրան տեղափոխել են հիվանդանոց։ Ավիավթարի առաջացման պատճառները դեռևս չեն հրապարակվել։

Աղետի հետևանքով ինքնաթիռը կործանումից հետո բռնկվել է։ Դեպքի վայրին մոտ գտնվող Ռիմրոք լճի շրջանից փրկարարներն իրականացրել են հանգստացողների տարհանում։ 

Բռնկված հրդեհը մարելու նպատակով տվյալ վայր են ուղարկվել հրշեջ-փրկարարական ստորաբաժանումներ։