ԱՄՆ զինուժը սպանել է «Տրեն դե Արագուա»-ի պարագլխին
ԱՄՆ նախագահ Դոնալդ Թրամփը հայտարարել է, որ իր հրահանգով երկրի զինված ուժերը մահացու հարված են հասցրել վենեսուելական «Տրեն դե Արագուա» հանցավոր կազմակերպության պարագլուխ Նինյո Գերերոյին, ինչը սերտորեն համակարգվել է Վենեսուելայի հետ:
Կարակասը նույնպես տեղեկացրել է, որ հանցախմբի ղեկավարը սպանվել է Բոլիվարի նահանգում՝ ԱՄՆ-ի հետ իրականացված համատեղ գործողության ընթացքում:
Միացյալ Նահանգների վարչակազմը բազմաթիվ պատժամիջոցներ է սահմանել կազմակերպության ղեկավարների նկատմամբ՝ թմրանյութերի մաքսանենգության, մարդկանց թրաֆիքինգի և փողերի լվացման մեջ ենթադրյալ ներգրավվածության համար: Բացի այդ, ԱՄՆ պետքարտուղարությունը «Տրեն Դե Արագուա»-ն դասել է ահաբեկչական կազմակերպությունների ցանկում:
Հատկանշական է, որ Գեռերոյի ձերբակալությանը հանգեցնող տեղեկատվության համար ԱՄՆ-ն նախապես առաջարկել էր 5 միլիոն դոլարի պարգև: Դոնալդ Թրամփը նախկինում պնդում էր, որ «Տրեն դե Արագուա»-ն ԱՄՆ-ում իր գործունեությունը համակարգում էր նախկին նախագահ Նիկոլաս Մադուրոյի կառավարության հետ:
Նմանատիպ հոդվածներ
Ավելին Ռազմական բաժնից
Ուկրաինայի ԶՈՒ-ն զանգվածային հարվածներ է հասցրել Ռուսաստանի նավթային ենթակառուցվածքներին
Ուկրաինայում մեկ ամսում սպանվել է 274, վիրավորվել 1763 խաղաղ բնակիչ. ՄԱԿ
Ռուսաստանն ու Ուկրաինան շարունակում են փոխադարձ հարվածները
