Մատենադարանն առաջին օգնություն կցուցաբերի

2026 թ. հունիսի 13-ին Մատենադարանի թանգարանում բացվել է Առաջին օգնության սենյակ, որը կոչված է ծառայելու ոչ միայն բազմահազար զբոսաշրջիկներին, այլև հոգալու Մատենադարանի աշխատակիցների առաջին անհրաժեշտության առողջական կարիքները։

Սենյակը համալրվել է առաջին օգնություն ցուցաբերելու համար նախատեսված թույլատրելի դեղորայքով և բժշկական գույքով։

Սա ևս մեկ քայլ է Մատենադարանի թանգարանային գործունեության կատարելագործման և թանգարանային ծառայությունների որակի բարձրացման ուղղությամբ։

Տեղեկացնում ենք նաև, որ առաջին օգնության ծառայությունները պատշաճ և արդյունավետ մատուցելու նպատակով Երևանի Մխիթար Հերացու անվան պետական բժշկական համալսարանի աջակցությամբ իրականացվում է Առաջին օգնության սենյակի պատասխանատուի և հսկիչների վերապատրաստման ծրագիր։