Հայաստանում զբոսաշրջային այցելությունների աճ է գրանցվել

2026 թվականի հունվարից մայիս ընկած ժամանակահատվածում արձանագրվել է ռեկորդային ցուցանիշ, ինչի մասին հայտնում են Զբոսաշրջության կոմիտեից։

Այս տարվա առաջին հինգ ամիսներին Հայաստան է ժամանել 825,384 զբոսաշրջիկ՝ ապահովելով 19,3% աճ 2025 թվականի համապատասխան ժամանակահատվածի զբոսաշրջային այցերի համեմատությամբ։ 

Արձանագրված տվյալները վկայում են Հայաստանի հանդեպ հետաքրքրության մեծացման և երկրի զբոսաշրջային գրավչության շարունակական զարգացման մասին։ «Նոր ուղիղ չվերթների գործարկումը, ինչպես նաև միջազգային շուկաներում իրականացվող ակտիվ և նպատակային մարքեթինգային արշավները նպաստում են Հայաստանի ճանաչելիության բարձրացմանը և երկրի դիրքավորմանը, որպես հետաքրքիր ու գրավիչ զբոսաշրջային ուղղություն»,- ասվում է հաղորդագրությունում։