ՌԴ-ն սպառնում է վերանայել Հայաստանի համար գազի գինը

Ռուսաստանը չի կարողանա շարունակել Հայաստանին գազ և նավթամթերք մատակարարել ներկայիս գներով, եթե երկիրը միանա ԵՄ-ին, լրագրողներին հայտնել է Ռուսաստանի էներգետիկայի նախարար Սերվգեյ Ցիվիլյովը՝ ՏԱՍՍ-ի փոխանցմամբ։

Նրա խոսքով՝ Եվրոպայում գազի գինը բազմապատիկ ավելի բարձր է, և նա իր գործընկերոջը նամակ է ուղարկել, որպեսզի նախապես հասկանալի լինի զարգացման տրամաբանությունը. եթե Հայաստանը ԵԱՏՄ-ից անցնի ԵՄ, մատակարարումները նույն գնով չեն լինի։ Նա հավելել է, որ պետք է հաշվի առնել տնտեսական նկատառումները։

Ցիվիլյովը նշել է, որ պատասխան դեռ չկա, բայց իրենց դիրքորոշումը հստակ է. բոլորը եվրասիական տնտեսական համագործակցության մաս են, հարաբերությունները կառուցվել են տարիներ, և գաղտնիք չէ, որ Հայաստանն այժմ ստանում է բավական շահավետ գներ։