ՏԵՍԱՆՅՈՒԹ․ «Զահլա տանելու» արձան է տեղադրվել․ կշռում է 500 կիլոգրամ․ «Բոլորին դեմ եմ»

 «Բոլորին դեմ եմ» կուսակցությունը քարոզարշավի շրջանակներում այս անգամ էլ «զահլա տանելու» ակցիա է իրականացրել Ռադիոտան դիմաց։

 «Այսօրվանից հետո ոչ ոք չի կարողանալու տանել ձեր զահլան, որովհետև այն կշռում է 500 կիլոգրամ։ Այս սիմվոլը թող մնա այստեղ և բոլոր քաղաքական ուժերը որոնց մենք դեմ ենք, իսկ մենք դեմ ենք բոլորին, իմանան, որ այլևս չեն կարողանալու տանելժողովրդի զահլան։ Սա ժողովրդի զահլայի սիմվոլն է»,- ասել է կուսակցության անդամ Իշխան Գևորգյանը։

Հիշեցնենք, որ քարոզարշավի շրջանակներում կուսակցությունն իրականացրել է նաև մուկ տշելու, բոչկա գլորելու, ջուր ծեծելու, պորտը տեղը դնելու, ցեխ շպրտելու ակցիաներ։

Գևորգյանն ակցիայի ժամանակ նաև տեղի բնակիչներին, Ռադիոտան աշխատակիցներին կոչ է արել կասեցնել իրենց տեղադրած արձանի հեռացումը, իսկ ոստիկանությանն էլ հորդորել է համարել այդ ամենը խուլգիանություն, երբ մեկը «զահլայի» արձանն ուզենա տանել։