Ուր է Փաշինյանը նախատեսում գնալ ընտրություններից անմիջապես հետո. «Ժողովուրդ»

Նիկոլ Փաշինյանը ընտրություններից անմիջապես հետո նախատեսում է ներկայանալ Ազգային ժողով։

«Ժողովուրդ» օրաթերթի տեղեկություններով՝ ՀՀ վարչապետը խորհրդարան է գնալու հենց ընտրությունների հաջորդ առավոտյան։ Պատճառը 2025 թվականի պետական բյուջեի կատարողականի ներկայացումն է։ Իշխանությունը պարտավոր է Ազգային ժողովին ներկայացնել բյուջեի կատարման տարեկան հաշվետվությունը, և այդ գործընթացը կմեկնարկի հունիսի 8-ից՝ ԱԺ մշտական հանձնաժողովներում։

Ըստ տեղեկությունների՝ առաջին զեկուցողը լինելու է վարչապետ Նիկոլ Փաշինյանը, որը հունիսի 8-ի առավոտյան խորհրդարանում կներկայացնի կառավարության կատարած աշխատանքը և բյուջեի կատարման հիմնական ցուցանիշները։ Դրանից հետո կառավարության անդամները հերթով կներկայացնեն իրենց ղեկավարած գերատեսչությունների հաշվետվությունները՝ ամփոփելով ոլորտային զարգացումներն ու կատարված աշխատանքը։

Նախատեսվում է բյուջեի կատարողականի քննարկումները շարունակել մինչև հունիսի 15-ը։ Դրանից հետո հաշվետվությունը կընդգրկվի Ազգային ժողովի հերթական նիստի օրակարգում։