Աղքատ մարդկանց հեշտ է կառավարել, մի երկու խոստում են տալիս. Սամվել Կարապետյան

Սամվել Կարապետյանը Կոտայքի մարզի բնակիչների հետ հանդիպման ընթացքում հայտարարել է, որ մարդիկ արդեն արթնանում ու ուժեղանում են, և ոչ մեկն այլևս չի վախենում։

Կոտայքի մարզի բնակիչների հետ հանդիպման ժամանակ Սամվել Կարապետյանը նշել է, որ Աստծո և ընդհանուր ջանքերի շնորհիվ մարդիկ արթնանում, պնդանում ու ուժեղանում են, և այլևս ոչ ոք չի վախենում նրանցից։ Ըստ նրա՝ նույնիսկ տարեց մայրերն են հակահարված տալիս, և ուրիշ ելք չկա, քանի որ սրանց պետք է իրենց տեղը դնել։

«Աղքատ մարդկանց հեշտ է կառավարել, ընտրությունից ընտրություն մի երկու խոստում են տալիս։ Մեր նպատակը ժողովրդին հարստացնելն է։ Մենք իրենց հարստացնելու ենք, չկասկածեք դրանում։ Դա ոչ մեկը չի կարող անել, բայց մենք անելու ենք Ձեզ հետ միասին»,-ասել է նա։