Ռուսաստանից Հայաստան մի շարք չվերթներ չեղարկվել են

Auroranews. am-ը ուսումնասիրելով Զվարթնոց օդանավակայանի էլեկրոնային չվացուցակը նկատեց, որ Ռուսաստանից դեպի Հայաստան չեղարկվել է մի շարք չվերթներ կան նաև ուշացումներ։

Լրատվամիջոցներից տեղեկանում ենք՝ 7 չվերթ ՌԴ-ից դեպի Հայաստան չեղարկվել է, ևս հինգը հետաձգվել է ԱԹՍ-ների հարվածների պատճառով։

Ուշացումով Հայաստանի մայրաքաղաք կհասնեն «Աերոֆլոտ»-ի՝ Մոսկվայից 2 չվերթ, Սոչիից 1 չվերթ, ինչպես նաև Azimuth և S7 Airlines ավիաընկերությունների՝ Միներալնիե Վոդիից երկու և Կրասնոդարից երկու չվերթեր։

Ուշացումով կժամանի նաև Լառնակայից եկող (Wizz Air) ինքնաթիռը, չեղարկվել է նաև Կապան–Երևան ներքին չվերթը։

Հիշեցնենք, որ ավելի վաղ ՌԴ ՊՆ-ն հայտնել էր, որ Ռուսաստանի տարբեր շրջանների վրա ՀՕՊ միջոցները որսացել և ոչնչացրել են ինքնաթիռային տիպի 556 անօդաչու թռչող սարք։