Ինչ փուլում է` մահացու, վտանգավոր վիրուսի` «Հանտավիրուս»-ի տարածումը

ԱՄՆ հիվանդությունների վերահսկման և կանխարգելման կենտրոնների (CDC) ժամանակավոր ղեկավար Ջեյ Բատաչարյան հայտարարել է, որ ամերիկյան իշխանությունները վերահսկողության տակ են պահում «Հանտավիրուս»-ի բռնկման հետ կապված իրադրությունը։

Նա հավելել է, որ կառույցը մշտական կապի մեջ է Առողջապահության համաշխարհային կազմակերպության և առողջապահական այլ մարմինների, այդ թվում՝ Իսպանիայի համապատասխան կառույցների հետ։

Ավելի վաղ Նեբրասկայի համալսարանի բժշկական կենտրոնից տեղեկացրել էին, որ «Էմ Վի Հոնդիուս» կրուիզային նավի վրա գտնված ԱՄՆ քաղաքացիները կարանտին են անցնելու։ Նրանք գտնվելու են համալսարանական կամպուսի մեկուսացման և կարանտինային բաժանմունքի մասնագետների հսկողության ներքո։

Մահացու վտանգավոր «Հանտավիրուս»-ի բռնկումն արձանագրվել է նիդերլանդական «Էմ Վի Հոնդիուս» նավում, որն Արգենտինայից ուղևորվում էր Կաբո Վերդե։ ԱՀԿ-ի տվյալներով՝ հաստատվել է վարակման յոթ դեպք, որոնցից երեքը՝ մահվան ելքով։ Կիրակի օրը հիշյալ նավը հասել է Կանարյան կղզեխմբի Տեներիֆե կղզու ափերին։