Զախարովան նախազգուշացրել է Կիևին

ՌԴ ԱԳՆ պաշտոնական ներկայացուցիչ Մարիա Զախարովան հայտարարել է, որ Կիևը կարող է ենթարկվել զանգվածային հրթիռային հարվածի, եթե Վլադիմիր Զելենսկին փորձի իրագործել Մայիսի 9-ի հետ կապված իր սպառնալիքները:


Նա շեշտել է, որ երկրի զինված ուժերը վճռականորեն կշարունակեն չեզոքացնել կիևյան ռեժիմի բոլոր զինված սադրանքները։


Զախարովայի խոսքով Զելենսկին մայիսի 5-ից 6-ն ընկած ժամանակահատվածում կրակը դադարեցնելու հրահանգ չի տվել Ուկրաինայի զինված ուժերին։ Զախարովան հավելել է, որ Մոսկվան բազմիցս ականատես է եղել, թե ինչպես է Կիևը դրժում սեփական հայտարարած զինադադարները։


Հիշեցնենք` Ուկրաինայի նախագահ Վլադիմիր Զելենսկին հայտնել էր, որ երկիրը պատրաստվում է «արդարացի պատասխան» տալ ռուսական հարվածներին, որոնք շարունակվել են մայիսի 6-ից Կիևի հայտարարած լռության ռեժիմի պայմաններում: Նա նշել էր, որ ուկրաինական անօդաչուները կարող են «թռչել շքերթի վրայով» ռուսական տեխնիկայի փոխարեն: