Հաղթանակի օրվան ընդառաջ ակտիվացել են ՌԴ-ԱՄՆ հեռախոսային շփումները

Ռուսաստանի արտգործնախարար Սերգեյ Լավրովն այս տարվա իր առաջին հեռախոսազրույցն է ունեցել ԱՄՆ պետքարտուղար Մարկո Ռուբիոյի հետ։


Հաղթանակի տոնին ընդառաջ Ռուսաստանն ու ԱՄՆ-ն ակտիվացրել են դիվանագիտական հեռախոսային շփումները։ Մայիսի 5-ի երեկոյան տեղի ունեցած Լավրով-Ռուբիո զրույցը հաջորդել է նախագահներ Պուտինի և Թրամփի քննարկմանը, որը նույնպես նախաձեռնել էր մոսկովյան կողմը։


«Երկկողմ շփումների այս աշխուժացումն ընթանում է ուկրաինական ճգնաժամի կտրուկ սրման ֆոնին։ Իրավիճակի զարգացման հնարավոր տարբերակներից է Կիևի կենտրոնի ուղղությամբ ռուսական հարվածների իրականացումը։


Ստեղծված պայմաններում Մոսկվան առաջնային է համարում Վաշինգտոնին իրազեկել իրավիճակի հետագա սրման հնարավոր վտանգների մասին։ Ռուսական կողմը շեշտում է գլոբալ բախման իրական սպառնալիքը, որում կարող է ներգրավվել նաև Միացյալ Նահանգները»,- գրում է «Коммерсантъ»-ը։