Մոսկվայի և Վաշինգտոնի հարաբերությունները՝ Լավրով-Ռուբիո քննարկման կենտրոնում

Ռուսաստանի արտաքին գործերի նախարար  Սերգեյ Լավրովը և ԱՄՆ պետքարտուղար Մարկո Ռուբիոն  հեռախոսազրույցի ընթացքում անդրադարձել են երկկողմ հարաբերություններին և միջազգային իրավիճակին։

Արտաքին քաղաքական գերատեսչությունների ղեկավարները իրականացրել են «ժամացույցների ստուգում» ռուս-ամերիկյան հարաբերությունների ու միջազգային գործերի ներկա վիճակի վերաբերյալ, ինչպես նաև դիտարկել են երկկողմ շփումների ժամանակացույցը։ Հայտարարության համաձայն՝ զրույցն ընթացել է կառուցողական և գործնական մթնոլորտում։

Նախորդ շաբաթ տեղի էր ունեցել նաև Վլադիմիր Պուտինի և Դոնալդ Թրամփի մեկուկես ժամանոց հեռախոսազրույցը։ Ռուսաստանի նախագահը հայտնել էր մինչև մայիսի 9-ը զինադադար հաստատելու պատրաստակամության մասին։ Երկու երկրների առաջնորդները համակարծիք են եղել, որ եվրոպացիների կողմից հրահրվող Վլադիմիր Զելենսկին փորձում է երկարաձգել հակամարտությունը։