Սպիտակ տունն Իրանի հետ կապված հայտարարություն է տարածել

Սպիտակ տունը հայտարարում է, որ «ակտիվ բանակցություններ» է վարում Կոնգրեսի հետ Իրանում պատերազմի հարցով։

«Նախագահ Թրամփը բաց է եղել Կոնգրեսի հետ շփումներում դեռևս մինչև «Ցասում» գործողության մեկնարկը, և վարչակազմի ներկայացուցիչները ավելի քան 30 ճեպազրույց են անցկացրել երկու կուսակցությունների անդամների համար՝ նրանց ռազմական իրադարձությունների մասին տեղյակ պահելու նպատակով», — հայտարարել է Սպիտակ տան ներկայացուցիչ Աննա Քելլին։

«Նախագահը միշտ կողմ է դիվանագիտությանը, իսկ Իրանը ցանկանում է գործարք կնքել», — հավելել է նա։

Քելլին հայտարարել է, որ «վարչակազմը ակտիվորեն քննարկում է այդ թեման Կոնգրեսի հետ։ Կոնգրեսի անդամները, ովքեր փորձում են քաղաքական միավորներ վաստակել՝ յուրացնելով գլխավոր հրամանատարի լիազորությունները, միայն խարխլում են ԱՄՆ զինված ուժերի հեղինակությունը արտերկրում, ինչը չպետք է անի իշխանության ոչ մի ընտրված ներկայացուցիչ»։