Փեզեշքիանը հանդես է եկել հայտարարությամբ

Իրանի նախագահը հայտարարել է, որ բանակցությունների ժամանակ տեղի ունեցող պարբերական հարձակումները պատճառ են դարձել Միացյալ Նահանգների հանդեպ վստահության կորստի համար։

Իրանի նախագահ Մասուդ Փեզեշքիանն ընդգծել է, որ բանակցային փուլում իրականացվող շարունակական հարձակումների հետևանքով իրենք այլևս ամենևին չեն վստահում ԱՄՆ-ին։ 

«Բանակցային գործընթացում կրկնվող հարձակումները հանգեցրել են մեր լիակատար անվստահությանը ԱՄՆ-ի նկատմամբ»,- նշել է նա։ 

Փեզեշքիանը հորդորել է Միացյալ Նահանգների պաշտոնատար անձանց վերջ տալ սադրիչ գործողություններին ու հռետորաբանությանը։ Նախագահը նաև հավելել է, որ Իրանի նպատակը փոխադարձ հարգանքի վրա հիմնված ակտիվ համագործակցությունն է այլ պետությունների հետ։