Ռուսաստանում ահաբեկչական վտանգներն ավելանում են. Պուտին

ՌԴ նախագահ Վլադիմիր Պուտինի փաստմամբ՝ Ռուսաստանում ահաբեկչական վտանգներն ավելանում են, քանի որ նման գործելաոճի են անցել թե՛ արմատական կառույցները, թե՛ Ուկրաինայի իշխանություններն ու նրանց աջակիցները։

Ընտրությունների անվտանգությանն ուղղված խորհրդակցության ընթացքում Վլադիմիր Պուտինը հայտարարել է, որ ահաբեկչական սպառնալիքների ռիսկերը գնալով մեծանում են։ Նրա խոսքով՝ միջազգային ահաբեկչական կառույցները, ինչպես նաև ծայրահեղական ու արմատական խմբավորումները չեն դադարեցնում իրենց քայքայիչ գործունեությունը։

«Մենք գիտենք, որ և՛ կիևյան ռեժիմը, և՛ նրա հովանավորները անցել են բացահայտ ահաբեկչական մեթոդների։ Պատճառներն ակնհայտ են և բոլորի համար հասկանալի՝ հակառակորդն ի վիճակի չէ կանգնեցնել մեր զորքերի, մեր տղաների առաջխաղացումը մարտական շփման գծում։ Ամեն օր նրանք որոշակի տարածքներ են կորցնում», - նշել է ՌԴ նախագահը։

Պուտինը շեշտել է, որ հենց այդ հանգամանքով պայմանավորված՝ Ուկրաինայի իշխանությունները շեշտը դնում են թե՛ զինվորականների, թե՛ խաղաղ բնակչության դեմ իրականացվող ահաբեկչության վրա։