Կարող է անկանխատեսելի հետևանքներ ունենալ. ՌԴ ՊՆ նախարար

Բիշքեկում կայացած ՇՀԿ անդամ երկրների ռազմական գերատեսչությունների ղեկավարների խորհրդակցության ժամանակ Անդրեյ Բելոուսովը նշել է, որ նման քայլերը սրում են ռազմաքաղաքական իրավիճակը ողջ Եվրոպայում։ Ըստ ՌԴ պաշտպանության նախարարի՝ Մոսկվան արձանագրում է Կիևին աջակցելու հարցում ԱՄՆ ակտիվության անկում, որին զուգահեռ աճում է Եվրոպայի կողմից տրամադրվող օգնությունը։ Բելոուսովն ընդգծել է, որ Եվրոպական միությունն ավելի ու ավելի է ներքաշվում հակամարտության մեջ՝ իրականացնելով ֆինանսավորում և զենքի մատակարարում։

Նախարարը հավաստիացրել է, որ Ռուսաստանը վերահսկում է Արևմուտքից սպառազինության մատակարարման բոլոր ուղիները և դիտավորյալ հանրայնացնում դրանք։ Որպես օրինակ նա մատնանշել է ԶԼՄ-ներում հրապարակված այն եվրոպական ընկերությունների ցանկը, որոնք արտադրում և Ուկրաինա են ուղարկում հարվածային ԱԹՍ-ներ ու դրանց համար նախատեսված բաղադրիչներ։