Ուկրաինայում ռազմական դրությունը կերկարաձգվի․ մանրամասներ

Ուկրաինայի նախագահ Վլադիմիր Զելենսկին Գերագույն ռադայի քննարկմանն է ներկայացրել երկրում ռազմական դրության և համընդհանուր մոբիլիզացիայի ժամկետները երկարաձգելու մասին օրենքների նախագծերը: Ըստ առաջարկվող փաստաթղթերի, որոնք արդեն հրապարակվել են խորհրդարանի պաշտոնական կայքում, հատուկ ռեժիմները նախատեսվում է երկարաձգել մայիսի 4-ից սկսած՝ ևս 90 օր ժամկետով:

Ներկայացված նախագծերն այժմ գտնվում են պրոֆիլային հանձնաժողովի քննարկման փուլում: Դրական եզրակացություն ստանալուց հետո դրանք կդրվեն պատգամավորների ընդհանուր քվեարկությանը: Սա կլինի 2022 թվականի փետրվարի 24-ից ի վեր հայտարարված ռազմական դրության և մոբիլիզացիայի արդեն 11-րդ անընդմեջ երկարաձգումը (խմբ.՝ ընդհանուր առմամբ 19-րդ անգամ)։

Հատկանշական է, որ գործող իրավական ռեժիմի պայմաններում Ուկրաինայում առկա են սահմանադրական սահմանափակումներ ընտրական գործընթացների նկատմամբ: Մասնավորապես, ռազմական դրության պատճառով երկրում չեն անցկացվում նախագահական, խորհրդարանական կամ տեղական ինքնակառավարման մարմինների ընտրություններ: Հիշեցնենք, որ նախագահ Զելենսկու լիազորությունների պաշտոնական ժամկետն ավարտվել է 2024 թվականի մայիսի 20-ին, սակայն նա շարունակում է պաշտոնավարել հատուկ դրության հիմքով: