Կալլասը դատապարտել է Թրամփի դեմ իրականացրած մահափորձը

Եվրադիվանագիտության ղեկավար Կայա Կալլասը հանդես է եկել հայտարարությամբ՝ դատապարտելով քաղաքական բռնությունը ԱՄՆ նախագահ Դոնալդ Թրամփի ներկայությամբ տեղի ունեցած հրաձգությունից հետո։

«Ուրախ եմ, որ բոլոր ներկաները, ներառյալ նախագահ Թրամփը, անվտանգության մեջ են Սպիտակ տան թղթակիցների ասոցիացիայի ընթրիքի ժամանակ տեղի ունեցած հրաձգությունից հետո։ Քաղաքական բռնությունը տեղ չունի ժողովրդավարության մեջ»,- հայտարարել է Կալլասը։

Հիշեցնենք՝ Սպիտակ տան թղթակիցների ամենամյա ընթրիքը Վաշինգտոնում, որտեղ պետք է ելույթ ունենար ԱՄՆ նախագահը, վերածվել է քաոսի հնչած կրակոցների մասին հաղորդումների ֆոնին: