Լավրովի կատակը՝ հայկական ռադիոյի մասին

Ռուսաստանի արտգործնախարար Սերգեյ Լավրովը հանրային հեռուստատեսությանը տված հարցազրույցում անդրադարձել է դիվանագիտական մեթոդներին՝ հիշելով հայկական ռադիոյի մասին  կատակը։ 

«Գիտեք, եթե մի փոքր անցնենք հումորի ոլորտ, հիշեք, որ Խորհրդային Միությունում մի շարք կատակներ կային հայկական ռադիոյի մասին։ Հայկական ռադիոյին հարցրել են. «Ի՞նչ է դիվանագիտությունը»։ Հայկական ռադիոն պատասխանում է (կան մի քանի տարբերակներ, բայց առավել պարկեշտն այս մեկն է)՝ դիվանագիտությունը մարդուն ճիշտ տեղը ուղարկելու արվեստ է, բայց դա անել այնպես, որ նա անհամբեր սպասի ճանապարհորդությանը։ Սա նույնպես կարող է ներառվել դիվանագիտական ​​մեթոդների զինանոցում։ Դրանում ոչ մի անսովոր բան չկա», - ասել է Ռուսաստանի արտաքին գործերի նախարար Սերգեյ Լավրովը Ռուսաստանի հանրային հեռուստատեսությանը տված հարցազրույցում։