Դուրովը սպառնացել է Ֆրանսիայում դադարեցնել Telegram-ի գործունեությունը

Telegram-ի հիմնադիր Պավել Դուրովը հայտարարել է Ֆրանսիայի շուկայից Telegram-ի հավանական դուրսբերման մասին՝ օգտատերերի անձնական տվյալները երկրի իշխանություններին չփոխանցելու նպատակով։

Իր գրառման մեջ նա վկայակոչել է ոստիկանական տվյալներին, ըստ որոնց՝ 2026 թվականի սկզբից ի վեր Ֆրանսիայում արձանագրվել է կրիպտոարժույթ ունեցողների առևանգման 41 դեպք։ Դուրովը նաև հիշատակել է Իլ-դը-Ֆրանսի հարկային ծառայող Գալիա Ս.-ի հետ կապված գործը, որին կասկածում են փակ բազաներից տվյալների վաճառքի մեջ։

Ապրիլի 20-ին Ֆրանսիայի անձնական փաստաթղթերի թողարկման և պահպանման գործակալության (ANTS) կոտրումից հետո Telegram-ի սեփականատերը կանխատեսել է, որ նմանատիպ միջադեպերը երկրում կդառնան զանգվածային։ France Info-ի տվյալներով՝ դրա հետևանքով տուժել է առնվազն 10 միլիոն հաշիվ, և համացանցում են հայտնվել մարդկանց անունները, հասցեներն ու հեռախոսահամարները։