Սերժ Սարգսյանն այս ընտրություններում մասնակցում է «Ուժեղ Հայաստանով». Փաշինյան

ՀՀ վարչապետ Նիկոլ Փաշինյանը մեկնաբանել է երկրի ներքաղաքական իրադրությունը և նախկին նախագահների մասնակցությունը գործընթացներին։

ՀՀ վարչապետ Նիկոլ Փաշինյանն անդրադարձել է ներքաղաքական իրադարձություններին։ Նա նշել է. «Որ ասում են՝ Սերժ Սարգսյանը չի մասնակցում ընտրություններին, կեղծ թեզ է։ Այս ընտրություններում մասնակցում է «Ուժեղ Հայաստանով»։ Նախ հրապարակային հայտարարել է իր աջակցությունը, երկրորդ՝ ամբողջ կազմով մասնակցում էին հանրահավաքներին, և այսօրվա ընտրական գործընթացում ուզում ռևանշի հասնել ու վերականգնել 2006թ․ կոալիցիան»։

Վարչապետը խոսել է նաև ՀՀ առաջին նախագահ Լևոն Տեր-Պետրոսյանի մասին. «Հեղափոխությունից առաջ թվում էր, թե քաղաքական դաշտում կան ազատականներ, այլ հայացքներ։ Հիմա պարզվեց, որ, օրինակ, Լևոն Տեր-Պետրոսյանն զտարյուն դաշնակցական է։ Մնացածը թատրոն էր, խաղ էր։ Ընդ որում՝ ամենաանհաջող դաշնակցականը»։