Վերջնաժամկետի մասին տեղեկությունը սուտ է. Սպիտակ տուն

Սպիտակ տան մամուլի քարտուղար Լևիթը հանդես է եկել հայտարարություններով՝ պարզաբանելով Իրանի հետ կապված իրավիճակը։

Ըստ նրա՝ շրջանառվող «3–5 օրյա վերջնաժամկետի» մասին տեղեկությունը չի համապատասխանում իրականությանը և սուտ է։

Դոնալդ Թրամփը կայացրել է հրադադարը երկարաձգելու որոշում, քանի որ հենց Իրանը պետք է իրավիճակը վերահսկողության տակ առնի։ Լևիթի խոսքով՝ Իրանի կողմից հնչող բազմաթիվ հրապարակային հիմարությունները տարբերվում են այն բովանդակությունից, որը հնչում է նրանց հետ ունեցած առանձնազրույցների ընթացքում։

Նշվում է նաև, որ Իրանը պետք է հանձնի իր տիրապետության տակ գտնվող հարստացված ուրանը։ Այս պահին, շրջափակման հետևանքով, Իրանը հնարավորություն չունի նույնիսկ վճարումներ կատարել սեփական ժողովրդին։