Փող է պետք. Թրամփը գրառում է արել

Իրանը հայտնվել է ֆինանսական կործանման եզրին, ինչի հետևանքով բանակն ու ոստիկանությունը դժգոհում են չվճարվող աշխատավարձերից։

ԱՄՆ-ի առաջնորդը Truth Social սոցիալական հարթակում կատարած գրառմամբ հայտնել է, որ Իրանը ֆինանսական կործանում է ապրում։ Ըստ նրա՝ երկիրն օրական 500 միլիոն դոլար է կորցնում, ինչի պատճառով հուսահատորեն փողի կարիք ունի և պահանջում է անհապաղ բացել Հորմուզի նեղուցը։ Թրամփը նաև նշել է, որ իրանական բանակն ու ոստիկանությունը բողոքում են աշխատավարձերի բացակայությունից։

«Իրանը ֆինանսական կործանում է ապրում: Նրանք պահանջում են անհապաղ բացել Հորմուզի նեղուցը. հուսահատորեն փող է պետք: Օրական կորցնում են 500 միլիոն դոլար: Բանակն ու ոստիկանությունը դժգոհում են, որ իրենց աշխատավարձ չեն վճարում: SOS!!!»,- գրել է նա։