ԱՄՆ-ի նոր որոշումը՝ ՆԱՏՕ-ի և Եվրոպայի վերաբերյալ

ԱՄՆ վարչակազմը նախատեսում է 2027 ֆինանսական տարում ՆԱՏՕ-ին հատկացնել մոտավորապես 1.4 միլիարդ դոլար, ինչպես նաև աջակցել Եվրոպայում ԱՄՆ զորքերի կողմից օգտագործվող ենթակառուցվածքներին։ 

Մասնավորապես, փաստաթղթերում նշվում է, որ ՆԱՏՕ-ի ռազմական բյուջեի հետ կապված ընդհանուր պահանջների համար նախատեսվում է հատկացնել 756,7 միլիոն դոլար: Հատկանշական է, որ այս ցուցանիշը 96,1 միլիոն դոլարով գերազանցում է 2026 թվականի ֆինանսական տարվա համար նախատեսված ծավալները։ 

Բացի բուն դաշինքի բյուջեից, Սպիտակ տունը Կոնգրեսից հայցում է ևս 604,3 միլիոն դոլար։ Այս գումարը նպատակաուղղվելու է բացառապես այն ենթակառուցվածքների աջակցությանը, որոնք ապահովում են եվրոպական տարածաշրջանում ամերիկյան զինված ուժերի կենսագործունեությունը: Երկու ուղղություններով նախատեսված հատկացումների ընդհանուր ծավալը կազմում է մոտ 1,361 միլիարդ դոլար:

ԱՄՆ պաշտպանության նախարարությունը շեշտում է, որ նման ներդրումները պայմանավորված են Վաշինգտոնի ազգային անվտանգության շահերով։ Ըստ գերատեսչության՝ Միացյալ Նահանգները մշտական հետաքրքրություն ունի Եվրոպայի կայունության և տարածաշրջանային ինտեգրման հարցում, ինչն էլ հիմնավորում է ռազմական ծախսերի նման բաշխումը։