Ալբանիայի ԱԳ նախարարը՝ Հայաստանի և Ադրբեջանի վերաբերյալ հայտարարություն է արել

Ալբանիայի ԱԳ նախարար Ֆերիտ Հոջան  Անթալիայի դիվանագիտական ֆորումի շրջանակներում խոսել է հայ-ադրբեջանական հարաբերութունների մասին․

«Նախևառաջ, մենք ուրախ ենք, որ խաղաղությունը հաղթեց։ Ադրբեջանի և Հայաստանի միջև երկարաժամկետ խաղաղության գործընթացի ամրապնդման ցանկացած հավաստի առաջընթաց դրական զարգացում է, քանի որ այն ուժեղացնում է կայունությունը և նպաստում է զարգացմանը մի տարածաշրջանում, որն ունի ռազմավարական նշանակություն էներգետիկայի, կապի և ավելի լայն եվրոպական անվտանգության համար։ Կայուն խաղաղությունը կնպաստի տարածաշրջանում մեծ կանխատեսելիությանը, կբարելավի համագործակցության պայմանները և կամրապնդի տրանսպորտային-լոգիստիկ միջանցքները Եվրոպայի և ավելի լայն եվրասիական տարածքի միջև։

Ուստի չափազանց կարևոր է, որ այս առաջընթացն ամրագրվի ձեռք բերված պայմանավորվածությունների լիարժեք և հետևողական իրականացման միջոցով։ Երկարաժամկետ խաղաղությունը պահանջում է ոչ միայն քաղաքական կամք բարձրագույն մակարդակում, այլև կայուն ջանքեր՝ ուղղված վստահության ամրապնդմանը, թափանցիկության ապահովմանը և վեճերի կարգավորման ու տարածաշրջանային համագործակցության արդյունավետ մեխանիզմների ստեղծմանը։ Առանց այս տարրերի՝ ձեռք բերված արդյունքները ռիսկի են դիմում մնալ փխրուն և դարձելի։

Ալբանիայի տեսանկյունից՝ Հարավային Կովկասում կայունությունը նշանակություն ունի, որը դուրս է գալիս բուն տարածաշրջանի սահմաններից։ Այն սերտորեն կապված է էներգետիկայի դիվերսիֆիկացման ուղղությամբ Եվրոպայի ջանքերի, հիմնական տրանսպորտային և առևտրային երթուղիների կայունության, ինչպես նաև մայրցամաքի անվտանգության ավելի լայն ճարտարապետության հետ։ Այս համատեքստում Հարավային Կովկասում խաղաղությունը պետք է դիտարկել ոչ միայն որպես տարածաշրջանային նպատակ, այլև որպես ռազմավարական ներդրում Եվրոպայի ընդհանուր կայունության, դիմակայունության և երկարաժամկետ բարգավաճման գործում»,- ասել է  Ալբանիայի ԱԳ նախարար Ֆերիտ Հոջան։